Богдан Илиевски, алијас Бетмен Велит, ја честита победата над фашизмот со фотографија од челниците на Президиумот на Антифашистичкото собрание на народното ослободување на Македонија (АСНОМ), претседателот Методија Андонов-Ченто и потпретседателот Панко Брашнаров.
„Честит ден на победата над фашизмот!
Смрт на фашизмот, слобода на народот. Не обратно.
Едниот лево окапа и се разболе по затвори гонет од комунистичките кучиња и умре измачен, но чесен, а за другиот десно гробот не знаеме каде му е. Сепак, Ченто и Панко остануваат симболи на слободата, а оние против кои се бореле – она другото.
Воедно, честит нека ѝ е денот и на лулката на балгарскио космодебилизам. Секој со своите херои“, напиша Илиевски на Фејсбук.
