Турското Министерство за надворешни работи соопшти дека не ги признава пописните податоци во Република Македонија (РМ), објавени во средата од Државниот завод за статистика.
Портпаролот на министерството во Анкара ги повика властите во Скопје сериозно да ги сфатат прашањата покренати во врска со кредибилитетот на пописот на турската заедница во земјата.
Доцна синоќа Демократската партија на Турците (ДПТ) во Македонија објави дека не ги прифаќа официјалните резултати од пописот во земјата.
Според партијата на Беиџан Иљас, и покрај фактот што бројот на Турците во РМ расте во споредба со претходниот попис од пред 19 години, тоа е „далеку од вистината“ и тие не можат да бидат прифатени од ДПТ или турскиот народ”.
„Самиот факт што 132.260 луѓе одбија да ја објават својата етничка припадност фрла сенка на пописот“, велат од партијата.
И лидерот на опозициската ВМРО-ДПМНЕ, Христијан Мицкоски, пописот го оцени како нецелосен, пренесува БНР.
Бугарските здруженија и политички партии исто така ја оспорија точноста на податоците објавени во присуство на премиерот Димитар Ковачевски. Според податоците на Државниот завод за статистика, во Македонија според бугарските медиуми има малку регистрирани Бугари.
