Владата на Словачка одобри испорака на борбени авиони МиГ-29 на Украина, соопшти премиерот Едуард Хегер, цитиран од Ројтерс.
Словачка е втората земја која испрати борбени авиони во Украина, откако Полска ја објави својата намера еден ден претходно.
Словачката флота од 13 МиГ-29 беше деактивирана минатото лето и повеќето од нив не се во исправна состојба.
Владата има намера да ги испрати исправните борбени ловци во Украина, а останатите да се користат за резервни делови.
