Во Хрватска е дозволено медицински потпомогнато оплодување, но помалку е познато дека, и покрај добрите прописи, Хрватска нема банка за сперма и јајце клетки за лекување на парови на кои им се потребни донатори за оплодување.
Згора на тоа, нивниот увоз од земјите каде што има банки, засега не функционира.
Хрватските парови на кои им е потребна ваква помош затоа одат во други земји кои имаат банки, најмногу во Македонија и Чешка, но и во Шпанија, Белгија и Португалија.
Тие често трошат мало богатство на вакви патувања и третмани, особено ако трошоците не ги покрива Хрватскиот завод за здравствено осигурување (HZZO).
Еден од овие загрепски парови, Ива и Марко, деновиве патува за Македонија.
Забременив два пати спонтано, но и двата пати имав спонтани абортуси, па ми беше дијагностициран т.н. Тарнеров синдром, што е име за делумен или целосен недостаток на еден од двата Х-хромозоми, изјави таа за Индекс.хр
„Прво, имаше две процедури за третман на ПГД во Брисел, кои ги нема во Хрватска, па во февруари ни беше советувано решение со донирани јајце клетки. HZZO ги покри тие трошоци но не се’ наплаќаме.
На пример, плаќавме телефонски консултации кои чинат 100 евра, истото беше и со ултразвукот, досега имаме собрано околу 1.500 евра дополнителни трошоци.
Деновиве по втор пат одиме во Македонија на оплодување и пренос на донаторски јајце клетки.
Се одлучивме за Македонија затоа што само 50% од нашите трошоци би биле покриени во Брисел. Имено, според законите на ЕУ, една членка на Унијата не може да покрие поголем дел од трошоците во друга членка отколку што таа друга земја покрива за своите граѓани.
Македонија не е во ЕУ, па ХЗЗО може да ја покрие целата сума.
Но, и тоа покривање на целата сума не е како што звучи. Да речеме, тие ќе ни го покријат патувањето, но најевтиниот повратен автобуски билет од околу 90 евра, а не неколкукратно поскапиот авионски билет. И после ваква постапка не е баш најпаметно да се поминуваат часови во автобус. Нема да ни се покрие ни сместувањето таму ако решиме да останеме неколку дена“, објаснува Ива.
Паровите кои се соочуваат со овие или уште поголеми проблеми во Хрватска се бројат во стотици секоја година.
Пациентите, но и разни здруженија, , сметаат дека Хрватска треба да формира банка за сперма и јајце клетки, доколку тоа е неопходно и изводливо.
