Организацијата остро го критикуваше денешното апсење на демонстранти против крунисувањето на кралот Чарлс Трети со квалификација – „исклучително загрижувачко“.
„Ова е нешто што очекувале да го видите во Москва, а не во Лондон“, реагира Хјуман рајтс воч на апсења во пресрет на денешното крунисување на британсѝкиот престолонаследник, пренесоа медиуми.
Полицијата на Обединетото Кралство наиде на осуда откако ги уапси водечките членови на антимонархиската група Република додека се подготвуваа да протестираат по патеката на поворката за крунисувањето на кралот Чарлс III.
Полицајците од лондонската Метрополитен полиција приведоа шест организатори од групата за притисок и запленија стотици нивни плакати, рече Република, само неколку часа пред крунисувањето на Чарлс.
Хјуман рајтс воч се повеќе е критички расположена кон владата на Обединетото Кралство за нејзиниот „сè повеќе одбивен“ став кон јавните демонстрации.
Британската полиција го уапси Греам Смит, водачот на антимонархистичката организација Република, денеска пред крунисувањето на кралот Чарлс Трети, изјави портпарол на групата.
Началникот на лондонската полиција, Марк Роули, вчера предупреди дека „толеранцијата за нарушување“ ќе биде „многу ниска“ на улиците во центарот на британската престолнина, каде што десетици илјади луѓе се собраа да ја следат кралската поворка.
