„Ако на Таравари поважна му е борбата против корупцијата, отколку кадровските решенија, тогаш како услов за влез во владина коалиција треба да биде да се тргне забраната за објавување на кривичните дела врзани и кои произлегуваат од тајните прислушувања“, објави на Фејсбук аналитичарот и екс-министер за финансии, Џевдет Хајредини откако Алијанса на Албанците формирала преговарачки тим за влез во влада на оваа партија.
Хајредини потсетува дека објавувањето на разговорите е и мислење на Венецијанската комисија и практика на судот во Стразбург. На исто мислење беше и Рајнхард Прибе.
„Поради објавени тајни разговори, во државите членки на ЕУ и САД се казнуваат и од функции заминуваат и ниски и високи функционери, и министри, и премиери, и претседатели.
Сите членови на партијата Алијанса за Албанците, како и сите Албанци, се проевропски ориентирани и немаат потреба некој корумпиран политичар, кој 20 години го краде имотот на народот и земјата ја доведе во вистинска катастрофа, да ги повика во некој фронт за “обединета Европа”, вели Хајредини.
