Грчката национална туристичка организација (ЕОТ) започна нова рекламна кампања со мотото „Greekend“ кое треба да ги привлечат странските туристи „да ја завршат неделата како Грк“.
ЕОТ ги промовира Атина и Солун како идеални дестинации за туристи кои бараат викенд одмор.
„Хотелите во нашите градови, особено Атина и Солун, претрпеа загуби поради пандемијата. Оваа кампања е прва од серијата иницијативи што ќе ги спроведеме, преку покана посетителите безбедно да уживаат во автентичен грчки викенд во нашите најголеми градови“, вели министерот за туризам Василис Кикилијас.
