„Владата на Ковачевски доби доверба’; ‘Со 62 гласа ‘за’ беше избрана Владата на Ковачевски’; ‘Владата на Ковачевски доби доверба од Собранието’ – ова се дел од насловите во онлајн изданијата на грчките медиуми, кои го пренесуваат текстот од грчката новинска агенција АНА-МПА за синоќешното гласање на доверба на Владата, јави дописничката на МИА од Атина.“ – пренесува македонско-австралискиот електронски магазин „Шило“.
„Шило“ пренесува: „АНА-МПА детално го објаснува новиот владин состав, ги пренесува ставовите на новиот премиер за време на расправата во Собранието, како и ставовите на опозициската ВМРО-ДПМНЕ. ‘Аналитичарите во Скопје го поставуваат прашањето дали Владата на Димитар Ковачевски ќе може да го заврши својот мандат, кој формално е уште две и пол години. Тоа е затоа што најголемата партија во владејачката коалиција СДСМ на неодамнешните локални избори во земјата претрпе убедлив пораз, што предизвика сериозни турбуленции во самата партија. Десничарската ВМРО-ДПМНЕ, која во моментов се појавува како најголема политичка сила во земјата, на високи тонови аргументира дека новата Влада нема легитимитет, бидејќи постои неусогласеност меѓу власта и народната волја, како што таа беше изразена на локалните избори. Сепак, Димитар Ковачевски вели дека неговата Влада ќе го заврши мандатот и ја отфрла можноста за предвремени избори.’ – објави АНА-МПА.“
„Грчката новинска агенција коментира и дека ‘една од „жешките’ теми“ за новата Влада се односите со Бугарија, ‘која повеќе од една година го спречува почетокот на пристапните преговори меѓу Северна Македонија и ЕУ поради отворените национални, јазични и историски разлики меѓу двете земји“.
„Новиот премиер на Бугарија Кирил Петков ќе биде првиот странски лидер, што ќе се сретне со Димитар Ковачевски. Петков утре, во вторник, на 18 јануари, ќе го посети Скопје, каде ќе се сретне со новиот премиер на Северна Македонија. Во фокусот ќе се најдат ‘проблематичните’ односи меѓу двете земји и можноста за нивна делумна нормализација преку формирање мешани комисии за соработка во различни области.’ – пишува АНА-МПА.’
