„Имам чувство дека влегуваме во варварско доба. Да се бара забрана, тотално игнорирање на руски научници, нивни трудови да не смеат да се објавуваат во научни списанија, да им се забранува учество на спортисти на натпревари, да не смеат да се изведуваат руски композитори, е врвен, непримерен, варварски чин. И невиден досега.“ – вели Солза Грчева, претседателката на вонпарламентарната партија „Глас за Македонија“ и универзитетска професорка, во објавата на својот фејсбук-профил.
Грчева дополнува: „Ова е варваризам, целосен отклон од било каква цивилизациска норма.“
„По Втората светска војна, кога нацистичка Германија го запали светот, германски научници добиваа и Нобелови награди. Науката, творештвото, спортот…немаат граници. Му припаѓаат на целиот свет.“
