Градоначалникот на Петриња, Даринко Думбовиќ, најави дека ќе и врати 30 милиони куни помош на државата затоа што не се води сметка за луѓето и штетата, туку на политичка припадност, пишува Јутарњи лист.
„Преспав и пресеков. Нема да ги земам 30 милиони куни што префектот Иво Шиниќ , од вкупно 100 милиони за областите погодени од земјотресот, ги додели на Петриња. Ако владата сака да им помогне на луѓето од Петриња, нека ни испратат помош директно, врз основа на експертска проценка“ изјави градоначалникот на Петриња.
Думбовиќ, смета дека критериумите за распределба на парите не биле нивото на штета од земјотресот и бројот на луѓе што треба да се згрижат, туку политичката припадност.
„Нема ниту една институција во градот што е недопрена. Останавме без струја, вода, паѓаат цигли. Она што најмногу се плашам е дека нема да биде повредено уште едно лице. Ни требаа дваесет години да го обновиме градот, и сега треба да срушиме две училишта, катастарот, судот, поранешната пошта, целиот центар … “, рече Думбовиќ, за Јутарњи лист.
„Некој треба да ми ги објасни критериумите според кои се дистрибуира помошта.
Петриња има 24.000 жители, а Глина нема повеќе од 2.000, со околните села 9.000.
Ако од 100 милиони куни и даваш на Петриња 30 милиони, а на Глина 25 милиони, тогаш треба некој да ми објасни според кој клуч се делеи, вели Думбовиќ.
Јутарњи лист пишува дека незадоволна е и градоначалничката на Сисак, град кој исто така беше погоден од земјотресот.
