Меѓународната федерација на новинари (IFJ) објави документ наречен „Бела книга за новинарството во светот“, во кој се предупредува дека 42 новинари и медиумски работници биле убиени на задача во 2020 година.
Во истиот документ се наведува дека најмалку 235 новинари и медиумски работници во моментов се во затвор и дека против нив се водат постапки во врска со работата што ја работат.
Според податоците објавени на веб-страницата на IFJ, во последните три децении убиени се 2.658 новинари ширум светот.
