„Република Бугарија потпишаниот договор за добрососедство го замислува како капитулација пред великобугарските соништа.
’Глас за Македонија’ од почетокот ја предупредуваше јавноста дека и преспанскиот и договорот со Република Бугарија не се крај туку се само вовед во непристојни уцени. Одејќи по тој пат, ќе го изгубиме и последниот атом на идентитет, јазик, култура и историја“, се вели во соопштението на партијата.
Според „Глас за Македонија“, одбивањето на претседателот на државата да го разреши советникот за надворешни работи Денко Малески јасно ја кажува позицијата на оваа Влада. Тој е пуштен само како пробен балон за да се претпостави реакцијата на македонскиот народ, на „креативната“ реализација на потпишаниот договор.
„Молкот на Владата за најновите уцени е неприфатлив. Бараме јасно и гласно да каже дали ќе прифати дека нема македонски јазик туку јазик на ‘Република Северна Македонија’, дека не постои наше малцинство во Република Бугарија, дека на Република Бугарија ќе ѝ го даде ексклузивното право врз најсветлите личности од нашата историја?
Молчи и ЕУ. Европската Унија која дозволи и и натаму дозволува газење на основните човекови права и уцени на еден наро никому не му е потребна. Ваквата ЕУ која ги крши сопствените конвенции и принципи е одметната организација од слободната Европа чии идеали ги споделува македонскиот народ. Глас за Македонија бара од Владата веднаш да ги отфрли неразумните барања на Република Бугарија и гласно да каже дека ова е сосема неприфатливо“, се додава во соопштението. (Макфакс)
