Германија одби да ѝ испорача на Украина противвоздушни ракетни комплекси „Патриот“ со образложение дека се неопходни за одбрана на НАТО, јави руската служба на Би-Би-Си.
„Искрено кажано, не дека немаме слободни системи „Патриот“ кои би можеле да ги испратиме во, на пример, Украина.Системите „Патриот“ се дел од колективниот одбранбен систем на НАТО“, изјави германскиот заменик министер за надворешни работи Тобијас Линднер.
Германија почна да планира да испраќа системи „Патриот“ во Полска, откако две лица во полското погранично село беа убиени од проектил испукан од украинскиот систем за противвоздушна одбрана што падна во дворот на фарма.
Претходно Полска и предложи на Германија да ги испрати системите Патриот во Украина, каде, според Варшава, тие ќе бидат покорисни.
Напнатоста меѓу Германија и Полска поради можното доставување од Берлин на противракетните одбранбени системи „Патриот“ во Варшава во врска со конфликтот во Украина ја поткопува кохезијата на НАТО и ЕУ, коментира „Њујорк тајмс“.
Пентагон, иако директно не го негира трансферот на „Патриот“ во Украина, објасни дека се работи за сложени системи за кои е потребна опсежна обука на воениот персонал кој ќе управува со нив и не работат на принципот „ослободување и употреба“.
