Германската влада има намера да позајми околу 40 милијарди евра за да ги ублажи последиците од економските проблеми предизвикани од испораките на оружје за Украина и зголемените цени на енергијата, објави Блумберг.
Изворот на агенцијата објасни дека се потребни дополнителни заеми за финансирање на голем број мерки на владата на земјата, вклучително и компензација за поскапувањето на енергијата за бизнисите и потрошувачите.
Ажурираниот план ќе биде испратен до германската влада во среда, на 27 април.
Претходно се предвидуваше дека германската економија ќе биде парализирана во случај на одбивање на руски гас, според мислењето на шефот на Сојузот на германските стопански и индустриски комори (ДИХК) Мартин Ванслебен.
Тој објасни дека ситуацијата во Украина доведе до нарушување на глобалните синџири на снабдување и зголемување на цените на енергијата.
