Втората по големина парламентарна група во сегашното 47. Народно собрание, ГЕРБ-СДС одби да го прифати мандатот за формирање влада кој денескка формално ѝ беше врачен од претседателот Румен Радев.
„Групата ГЕРБ-СДС нема да го искористи правото што ѝ е дадено со Уставот на Република Бугарија за спроведување на истражувачки мандат и формирање влада во 47-то Народно собрание и нема да именува премиер кој ќе го добие мандатот“, изјави претседателката на пратеничката група на ГЕРБ Десислава Атанасова.
Претходно, паријата „Продолжуваме со промената“ не успеа да обезбеди мнозинство од 121 пратеници во парламентот и мораше да го врати мандатот даден на Асен Василев.
Утре претседателот ќе има консултации со партиите застапени во парламентот пред да го врачи третиот мандат
„Да се слушне како гледаат излез од создадената криза, какви можности гледаат за коалициски разговори, за барање мнозинство во овој парламент, околу кои приоритети и програми можат да се обединат“, рече тој.
Почетокот на октомври е најдобро време за одржување на избори, доколку консултациите не завршат со успех и покрај напорите да се состави владејачка формула во актуелниот парламентарен состав, претседателот Радев веќе го кажа својот став.
