Иванчо Велјановски повеќе нема да биде член на Надзорниот одбор на Стопанска банка Битола.
Независен член на Надзорниот одбор во одреден период нема да биде ни Миле Зечевиќ, кој ја извршуваше и функцијата претседател на Надзорниот одбор, бидејќи неговиот претходен мандат истекол, но тој повторно ќе ја извршува таа функција, откако ќе ја добие потребната претходна согласност од Народната банка на Македонија.
Еве каква објава пушти денеска Стопанска банка Битола до инвеститорската јавност преку Македонската берза.
„Согласно Глава 6 од Правилата за котација, известуваме за следниве измени во органите на управување:
Ве известуваме дека поради истек на мандат на ден 16.7.2023 година согласно Решение за издавање претходна согласност од Народна банка на Република Северна Македонија од 15.7.2019 година, г. Иванчо Велјановски повеќе не е член на Нaдзорниот Одбор на Стопанска банка а.д. Битола.
Воедно, Ве известуваме дека поради истек на мандат на ден 16.7.2023 година согласно Решение за издавање претходна согласност од Народна банка на Република Северна Македонија од 15.7.2019 година, г. Миле Зечевиќ повеќе не е независен член на Надзорниот Одбор на Стопанска банка а.д. Битола.
До финализирање на постапката која е во тек за добивање на претходна согласност од Народна банка на Република Северна Македонија за повторно именување на г. Миле Зечевиќ за независен член на Надзорен одбор, кој истовремено ја извршуваше функцијата претседател на Надзорниот одбор, со Одлука од Надзорниот одбор на Стопанска Банка а.д. Битола за времено именување на заменик претседател од редот на своите членови ја именува г-ѓа Гордана Гацева“, се вели во објавата од Стопанска банка Битола.
ИЗВОР: Фактор.мк
