Демонстрантите се судрија со француските безбедносни сили во четвртокот во најсериозното насилство досега од тримесечниот бунт против многу контроверзната пензиска реформа на претседателот Емануел Макрон.
Повеќе од 149 полицајци се повредени, а 172 лица се уапсени за време на протестите за пензионерите во Франција, пренесе АФП повикувајки се на податоци од француското МВР.
Наметнатата реформата — која владата избра да ја спроведе без парламентарно гласање — се претвори во најголемата домашна криза во вториот мандат на Макрон.
Протестите се закануваат да ја засенат посетата на кралот Чарлс III на Франција следната недела, неговата прва странска државна посета како британски монарх.
Синдикатите најавија нови штрајкови и протести за вторник, вториот цел ден од неговото патување.
Вчера, францускиот министер за внатрешни работи Жералд Дарманин го критикуваше насилството, кое тој го опиша како испровоциран од „насилници“ од „екстремната левица“ и што избувна за време на протестите против пензиската реформа.
Тој тврди дека „1.500 хулигани“ присуствувале на митинзите во Париз за да „скршат полицајци и јавни згради“.
Досега, тој рече дека 172 лица се уапсени во Франција, вклучително и 77 во Париз, а некои од нив се уапсени за „напади врз лица задолжени за јавна власт“ или за подметнување „пожари“, додаде Жералд Дарманин.
Повиците на синдикалните лидери за ненасилни протести за да се контролира јавното мислење беа игнорирани од голем број демонстранти низ Франција, кои се судрија со полицијата и запалија пожари во поголемите градови.
„Сликите на солзавец, насилство и пожари не беа она што го сакаа синдикатите“, рече Марк Перелман од FRANCE 24, „сепак, според анкетата денес… 70% од прашаните ја обвинуваат владата за насилството“.
Француската премиерка Елизабет Борн рече дека насилството и штетите за време на протестите во четвртокот се „неприфатливи“.
Таа додаде дека е благодарна на полицијата и другите агенции за брзата реакција.
