Министерот за здравство Венко Филипче на неговиот официјален ФБ профил објави дека во Европа и во светот веќе се воведуваат ограничувања за невакцинираните граѓани: За пристап до затворен јавен простор, до угостителски, спортски или други услуги се бара задолжително приложување на вакцинален сертификат.
„Земјите веќе ги предупредуваат нивните граѓани да се вакцинираат како не би се соочиле со ограничувања за нормално функционирање. Упатувам апел до сите граѓани кои сè уште не се вакцинирале да го направат тоа што побрзо. Вакцините се безбедни и ефикасни, само масовната вакцинација може да стави крај на светската ковид пандемија“, напиша Филипче на фејсбук.
