Филипче молчи за “фантомската” фирма, се фали за реализиран проект што ќе почне во април ќе важи за март

Министерот за здравство не дава детали за фантомската фирма која била намена да донесе кинески вакцини ниту за комисијата која го ослободи лекарот кој извадил три здрави органи од пациентка но за 3 дена во два наврати зборува за друга тема.



Три дена откако министерот за здравство Венко Филипче објави дека ќе се зголеми платата во здравството за 5 % тој повторно се пофали за проект за кој тврди дека е реализиран неодамна а во истата фалба вели дека ќе почне во април и ќе важи за март.

“Тоа што од неодамна го реализиравме е зголемување на платите за 5% на вработените во здравствениот сектор започнувајќи со априлската плата, а се однесува на мартовскиот изминат месец. Продолжуваме и понатаму да ги дебатираме и унапредуваме економските и социјалните интереси на медицинските работници. Со претставниците на Синдикатите – претседателот на Синдикат за здравство Љубиша Каранфиловски и заменик претседателот Александар Вељановски и потпретседателот на ССКЦ Предраг Серафимовски, денеска дискутиравме на теми кои ги засегаат здравствените работници и целите на кои заеднички работиме и за кои взаемно се залагаме”, напиша Филипче на Твитер.