Земјите од Европската унија се согласија да воведат вонреден данок на неочекуваните профити на енергетските компании и започнаа разговори за нивниот следен чекор за справување со енергетската криза во Европа – евентуално ограничување на цената на гасот низ целиот блок, пренесува Ројтерс.
Министрите од 27-те земји-членки на ЕУ се состанаа во петокот во Брисел, каде што ги одобрија мерките предложени претходно овој месец за ограничување на порастот на цените на енергијата.
Пакетот вклучува данок на вишокот профит на компаниите за фосилни горива остварени оваа или следната година,
данок на вишокот приход што го добиваат производителите на електрична енергија од зголемените трошоци за електрична енергија и
задолжително намалување од 5% на потрошувачката на електрична енергија во периоди на врвни цени.
Откако беше постигнат договор за овие мерки, земјите започнаа разговори за следниот чекор на ЕУ за задржување на ценовната криза.
Петнаесет земји, вклучувајќи ги Франција, Италија, Полска, Бугарија и Грција, оваа недела побараа од Брисел да предложи ограничување на цената за сите големопродажни трансакции со гас за да се спречи инфлацијата.
