Ќерките на рускиот претседател Владимир Путин, ќе бидат опфатени со новитe санкции на ЕУ против Русија, велат извори за Блумберг, пренесува Индекс.хр.

Марија и Катерина, ќерки кои ги добил со поранешната сопруга Људмила, се на новата листа на санкционирани Руси, иако не се знае колкав имот имаат двете надвор од Русија, па ова се смета за симболичен потег, тврди Блумберг.

Заедно со нив на списокот има и руски политичари, тајкуни и членови на нивните семејства.

Малку се знае за ќерките на Путин, Катерина и Марија, а не е потврдено дали Путин има и други деца.

Марија, најстарата ќерка, наводно е косопственик на „Номенко“, кој е вклучен во мнозински приватен инвестициски проект во здравството.

Катерина го води Институтот за вештачка интелигенција на Московскиот државен универзитет.