Владејачката Партија на правдата и развојот (АКП) го номинираше актуелниот турски претседател Реџеп Таип Ердоган за кандидат на претседателските избори што треба да се одржат идната година.
„Нашиот претседател Реџеп Таип Ердоган е кандидат на Народната алијанса за изборите во 2023 година“, соопшти портпаролот на здружението Омер Челик.
Народната алијанса е коалиција на владејачката Партија на правдата и развојот и опозициската крајнодесничарска Партија за националистичко движење .
Претседателските и парламентарните избори во Турција треба да се одржат во јуни 2023 година. Според весникот, турската опозиција се уште не го номинирала својот кандидат.
Ердоган стана претседател на Турција во 2014 година. Во 2018 година положи заклетва за втор претседателски мандат. Избори беа одржани и во јуни, при што Ердоган освои 52,59 отсто од гласовите.
Ердоган претходно беше премиер на Турција од 2003 до стапувањето на претседателската функција во 2014 година.
Пред тоа беше градоначалник на Истанбул 1994 до 1998 година. Тој е основач на Партијата на правдата и развојот.
