За Република Македонија нема место во Европската Унија се закани бугарскиот европатеник и поранешен амбасадор во Македонија, Александар Јорданов во објава на социјалните мрежи.
Јорданов со најпогрдни зборови го опишува, според него, скандалозно однесување на македонската гранична полиција на Деве Баир, како и “уште поодвратното однесување на македонската политичка елита и македонските граѓани во Скопје“ на одбележувањерто на годишнината од раѓањето на Гоце Делчев.
Тој вели дека „уште еднаш стана јасно дека еден национален револуционер како Бугаринот Георги Делчев нема ништо заедничко со денешните Македонци кои се копи пејст на најодвратните комунисти од времето на Југославија. Мора да се стави крај на нивната десетгодишна непријателска политика кон Бугарија.
Го слушнав и лидерот на опозицијата во оваа земја Христијан Мицкоски од ВМРО-ДПМНЕ, кој активно работи против својата држава во интерес на соседна Србија. А најверојатно и Русија. Денеска не повика нас, Бугарите, да гледаме кон иднината, кон 21 и 22 век. Веднаш му одговарам: зошто сакајќи да погледнеме во иднината, центарот на Скопје го изградивте со антички градби? Зошто го лажиравте дури и урбаниот архитектонски простор?
Нема иднина за такви комунистички фосили како вас – титоисти, црвено ѓубре, југословенски гикови. Ќе висите пред портите на Европа многу долго. Ќе клечите пред нив додека не ви скапат тиквите за историската вистина дека сте срамни наследници на достојните македонски бугари. Дека сте се преродиле од вашиот бугарски народ. Долго ќе чекате за европско членство бидејќи вашето однесување е србоманско.
И затоа што не сте достојни да го носите името Македонци, што е име на македонските Бугари. А што само Бугари: Прличев, браќата Миладинови, Пејчинович, Делчев, Груев, Сандански, Александров, Михаилов пишува поранешниот амбасадор во Скопје Јорданов на Фејсбук.
