„Собранието на Република Северна Македонија, работи согласно Деловник а не врз основа на диктат а уште помалку не според одредени индивидуални претензии, било да се тие на некој министер, кој и да е тој!“ напиша на фејсбук Талат Џафери.
Статусот е адресиран до министерката за правда Рената Дескоска, која побара во најскоро време предлозите за СЈО да бидат преточени во закон и ставени на собраниска седница, како услов за препорака од ЕУ .
„Ставот на Владата е за Законот да се гласа веднаш кога ќе имаме усогласен законски текст кој ќе се испрати до Собранието“, рече вчера Дескоска.
Џафери вчера категорично изјави дека за време на изборите нема да закаже седница дури и да се договорат власта и опозицијата околу Законот за Јавно обвинителство.
