Во тешката сообраќајна несреќа која синоќа околу 23 часот се случи на крстосница од бул.„Србија“ и бул.„Борис Трајковски“, загинааа две лица, а седум се потешко или полесно повредени.
Во несреќата учествувале пет автомобили сите со скопски регистерски ознаки, јави Курир.
Возилата кои учествувале во несреќата се „фолксваген пасат“ управуван од Р.А.(50) од Студеничани, „мерцедес“ управуван од Х.С.(28) од Скопје, „фолксваген шаран“ управуван од З.И.(30) од с.Студеничани, „хјундаи аксент“ управуван од О.А.(25) од с.Батинци, скопско и патничко возило „фиат пунто“ со скопски регистарски ознаки, управувано од Е.Б.(39) од Скопје.
„Во незгодата, на местото починале возачите Р.А. и Х.С.. Со тешки телесни повреди се здобил малолетник во возилото „фолксваген пасат“, а со телесни повреди се здобиле сопатниците во истото возило Ф.А.(49), Н.А.(23) и две малолетни лица, констатирани во Комплексот клиники „Мајка Тереза“. Со телесни повреди, констатирани во Градската општа болница „Св.Наум Охридски“ се здобиле и возачите О.А. и Е.Б., велат за Курир од МВР.
