Агенцијата за задолжителни нафтени резерви на 4 март на „Лукоил“ му исплатила 30.000.000 денари, или безмалку половина милион евра за дизел гориво, дознава Фактор.
„Лукоил“ треба да испорача до 661.880 литри нафта за државните складишта.
Ова е најголема исплата на Агенцијата за задолжителни нафтени резерви кон Лукоил, надминувајќи го досегашниот рекорд со овој трговец во јуни 2013, кога во еден ден му биле исплатени 23.161.630 денари.
Министерот за надворешни работи Бујар Османи рече дека граѓаните кои се снабдуваат со нафта од руски компании во земјава, индиректно ја финансираат руската армија.
Најголем снабдувач годинава на агенцијата е Окта со исплатени 120 милиони денари за дизел гориво во делливата јавна набавка со Лукоил.
Македонија има во задолжителните резерви на нафтени деривати вкупни горива кои покриваат потреби за 54 дена, според тврдењето на првиот човек на Агенцијата, Уљуси Бекири.
