Во саботата биле демолирани се канцелариите на Државниот инспекторат за локална самоуправа, чии простории се лоцирани на 12 кат во зградата на Македонската радио-телевизија (МРТВ), објави МИА.
„Демолирани се канцелариите на Државниот инспекторат за локална самоуправа, искршена е и украдена опрема“, ја потврдиле информацијата и од Инспекторатот.
Од објавените фотографии се гледа дека била обиена бравата на влезната врата во Инспекторатот, а во просториите има и расфрлени столови и друг канцелариски инвентар.
Случајот во Министерство за внатрешни работи (МВР) го пријавил директорот на Државниот инспекторат за локална самоуправа Ферди Шабани.
