Пред средбата со мандатарот Димитар Ковачевски, претседателката на ДОМ Маја Морачанин изјави дека освен барањето нивните програмски определби да бидат дел од новата владина програма, битно е и кои кадри ќе бидат предложени за министри.
„Бараме да се воведе посебно министерство за клима и енергетика и на тој начин да се даде приоритет на борбата со климатските промени.
Остануваат и барањата за промена на изборниот модел од шест во една изборна единица, отворените листи и 50 отсто застапеноста на жените на листите. За нас е важно и кои ќе бидат предлозите за новите министри“, вели Морачанин.
