Добро е што Директорот на Агенцијата за разузнавање Муслиу призна дека неговата сопруга добила грант од 620.000 евра додека тој е функционер.
Вака пратеникот Драган Ковачки одговори на јавната изјава на директорот на Агенцијата за разузнавање Еролд Муслиу кој го демантираше Ковачки но не негираше дека сопругата добила огромен грант додека сопругот и бил директор.
,,За да го добие грантот Конзорциумот на невладини од кои е дел неговата сопруга, морало да се потпише меморандум за чие потпишување налогот дошол од Владата.
Тоа што Муслиу бедно се брани и меша етнички карактер како и неговите од ДУИ кои секогаш кога се фатени во криминал се кријат позади идентична реторика, не го амнестира, туку напротив – покажува дека нема друг аргумент.
Многу пати сум кажал и пак ќе кажам.
Криминалот нема етничка линија, во Македонија криминалците од власта на СДС и ДУИ нанесуваат подеднакво штета и на Македонците и на Албанците и на сите други.
*А за тоа колку лојални граѓани се директорот Муслиу и неговата сопруга, ќе има време истото да го докажува многу брзо.
Спокојно”, пишува Ковачки кој претходно го прозва Муслиу на што тој одговори.
Ковачки: Муслиу директорува, сопругата добива грант од 620.000 евра (ВИДЕО)
