Регулатoрната комисија за енергетика ги намали малопродажните цени на нафтените деривати во просек за 7,76 %, во однос на цените кои важеа минатата недела.
Од полноќ ЕУРОСУПЕР БС-95 се намалува за 2,50 денари за литар и ќе изнесува 49,50 денари, додека малопродажната цена на ЕУРОСУПЕР БС-98 ќе се намали за 2 денари за литар и ќе изнесува 52 денари.
Цената на ЕУРОДИЗЕЛ (Д-Е V) ќе изнесува 42,50 денари што е намалување за 4 денари во споредба со досегашната цена.
Намалувањето доаѓа како резултат на паѓањето на цената на нафтените деривати на светскиот пазар.
