Новиот американски амбасадор во Софија според сопствено признание била сведок на крајот на грчко-македонскиот конфликт за името, пишува порталот Дипломат.мк кој објавува вести на англиски јазик.
Сведок на крајот на 27-годишната билатерална расправија меѓу Грција и Северна Македонија за името на оваа земја, се вели под темата Интересно искуство во биографијата на Фалатко на веб-страницата на Стејт департментот.
Службеничката за надворешна служба за кариера Сузан Фалатко е официјално назначена за вршител на должност во американската амбасада во Бугарија, објави амбасадата преку објава на Фејсбук.
Се очекува таа да биде новиот американски амбасадор во Бугарија по завршувањето на соодветна процедура во Вашингтон.
За време на последната фаза од спорот за името Грција – Македонија, г-ѓа Фалатко била директор на Канцеларијата за прашања на Јужна Централна Европа во Стејт департментот на САД од 2017 до 2019 година, фокусирајќи се на Западен Балкан.
Заменик-шефот на мисијата во Софија Х. Мартин Мекдауел беше привремен шеф на амбасадата откако американскиот претседател Трамп ја прифати оставката на Кенет Мертен како амбасадор во Бугарија. Мертен ја презеде функцијата во април 2023 година.
Со назначувањето на Фалатко, Х. Мартин Мекдауел ги продолжи своите должности како заменик-шеф на мисијата во амбасадата, се вели во објавата на амбасадата на САД во Софија.
Повеќе детали на Diplomat.mk
Фото: Принт екран веб-страница на Стејт Департментот
