Претседателот Доналд Трамп потпиша указ за заштита на спомениците во Соединетите американски држави, пренесе Асошиејтед Прес.
Претседателскиот декрет предвидува главниот обвинител да мора да покрене обвинение против секој што уништува или извршува друг чин на вандализам врз споменик, спомен обележје или статуа.
Федералниот закон предвидува затворска казна до 10 години за намерно предизвикување штета на федералниот имот.
Уредбата исто така предвидува гонење на секој што поттикнува насилство и незаконска активност. Според документот, државните и локалните агенции за спроведување на законот би можеле да го загубат финансирањето доколку не ги заштитат спомениците.
