Единствена точка на дневниот ред на денешната собраниска седница закажана за 11 часот е избор на техничка влада на Република Македонија.
Мандатарот Талат Џафери на преодна влада, која се формира на сто дена пред изборите за пратеници на 8 мај, вчера ја достави програмата и Предлог-составот на новата влада.
Техничката влада ќе функционира се’ до избор на нова влада.
Во Предлог–составот на преодната влада што Талат Џафери го достави до Собранието предлага:
прв заменик премиер на владата и вицепремиер за европски прашања да биде Бојан Маричиќ,
Артан Груби – министер за политички систем и односи меѓу заедниците.
Според Изборниот законик и Законот за Влада, во преодните или технички влади има министри од владејачкото мнозинство и најголемата опозициска партија ВМРО-ДПМНЕ.
Панче Тошковски на предлог на ВМРО-ДПМНЕ е предложен за министер за внатрешни работи, како и
Ѓоко Велковски за предлог за министер за труд и социјална политика.
На досегашните места остануваат:
Кренар Лога – министер за правда,
Бујар Османи- министер за надворешни работи,
Фатмир Бесими – министер за финансии,
Крешник Бектеши – министер за економија,
Љупчо Николовски – министер за земјоделство, шумарство и водостопанство,
Фатмир Меџити – министер за здравство,
Јетон Шаќири – министер за озбразование,
Ристо Пенов – министер за локална самоуправа,
Бисера Костадиновска Стојчевска – министерка за култура,
Азир Алиу – министер за информатичко општество и администрација,
Благој Бочварски – министер а транспорт и врски,
Каја Шукова – министерка за животна средина,
Фатмир Битиќи, министер без ресор задолжен за економски прашања и
Славица Грковска, министерка без ресор задолжена за политики за добро владеење.
Ова е трета преодна или техничка влада од 2016 година наваму.
