Утрово мирно е на северот на Косово и Метохија, по синоќешниот судир меѓу припадниците на КФОР и Србите во Звечан.
Во општините Зубин Поток, Звечан и Лепосавиќ во текот на ноќта немаше инциденти, а зголемен е бројот на припадници на КФОР.
Знамето на Република Србија, кое се наоѓа до споменикот на Милош Обилиќ во Грачаница, во раните утрински часови било запалено од непознати сторители.
Рано утринава жителите на тој претежно српски град пријавиле дека е запалено знамето на кружниот тек, јавува репортерот на Танјуга.
Граѓаните утрово повторно излегоа на српските протести во Звечан, Зубин Поток и Лепосавиќ.
Нивното барање е повлекување на специјалците од северот на Косово и Метохија, како и новоизбраните албански градоначалници да не доаѓаат на работа во српските општини на избори на кои Србите не учествувале.
На локалните избори, минатиот месец од 45.000 запишани избирачи излегоа само 1.500.
