Вработени во Одделението за управни работи во Скопје, незаконски им издале возачки дозволи на 28 граѓани, велат од полицијата.
Поднесени се кривични пријави за 8 вработени во МВР за злоупотреба на нивната службена положба и фалсификување на службена исправа.
Еден од осомничените, во чиј дом е извршен претрес по наредба на судија во претходна постапка, е приведен во полициска станица.
„Обезбедените материјални докази ќе бидат предадени на јавен обвинител за понатамошна постапка. Осомничените службени лица се суспендирани од работните места и против нив ќе бидат поведени дисциплински постапки“, велат од МВР.
