Во Романија, пазарите и парковите деновиве се полни со дрвја за секој џеб: од петнаесет евра до неколку стотици за огромно дрво. Романија е шумска земја, но само дел од тие дрвја потекнуваат од државното шумско стопанство Ромсилва.



Затоа што „сите знаат“ дека може да се добие дрво „црно“. Тоа не се само поединци кои сакаат да заштедат неколку евра со извршување на криминал, туку организирани банди кои со тешка машинерија влегуваат во државни или приватни шуми и сечат што сакаат.

По правило, тоа е само „дополнителна работа“ на криминалните банди кои и онака се занимаваат со нелегално уништување на шумите и продажба на дрва.
И тој криминал е во подем, особено по пристапувањето на Романија во Европската унија во 2007 година.

Романија е земја која сè уште ги има најстарите дождовни шуми на континентот – но тие се намалуваат: организацијата Глобал Форест Воч тврди дека од 2001 до 2021 година, во Романија исчезнале 391 илјади хектари шуми, речиси пет проценти од шумската површина во земјата.

Овие криминалци не се шега: во септември минатата година, телевизиска екипа придружувана од еколошки активисти се обиде да ја документира оваа нелегална сеча и заврши претепана во болница. Во 2019 година, беше уште полошо за двајца шумари кои беа убиени откако отидоа да истражат извештај за нелегална сеча на дрвја.

Традицијата за красење божикна елка во Романија за почнала во 1866 кога офицерот Карл фон Хоенцолерн-Зигмаринген, член на пруската кралска монархија, бил испратен во Романија да седне на тамошниот кралски трон.

Уште на првиот Божиќ, кога тој и неговата сопруга влегоа во тогаш прилично отмената кралска „палата“ во Букурешт, за да го подигнат своето и расположението на неговата сопруга, тој ја постави првата елка во цела Романија која ја украсил со хартиени цветови и сушено овошје.

Сето тоа сепак требаше да го „проголта“ локалното благородништво со најголем дел од православната вера – некакво дрво што го засади тој германски протестант.

Офицерот Карл стана романскиот крал Карол I, а елката си го најде своето цврсто место во романскиот православен обичај…