Лицето кое подготвува заговор за атентат врз претседателот на Србија Вучиќ, според информации на Европол, потврдени од МВР на Србија е Радоје Звицер , а тој има македонски пасош тврди ВМРО-ДПМНЕ.
„ВМРО ДПМНЕ во рамките на обелоденувањето на аферата ‘мафија’ пред помалку од една година откри дека на списокот мафијаши и криминалци кому Спасовски им издал легален македонски пасош но под друго име е токму атентаторот на Вучиќ, Радоје Звицер.
Поминува една година, и виновни за оваа афера каде со македонски пасош се стекнале регионални и светски мафијаши – нема.
Освен симболична казна за неколку службеници во МВР кои треба да бидат колатерална штета нема одговорност за вистинските организатори на ваквата мрежа за издавање на македонски пасоши. Нема криминалец кој не оперира со пасошите на Спасовски со македонско знаме.
Ова покажува дека покрај срамот за Македонија кој го приредува Спасовски, тој е отворен заштитник на криминалот“, се вели во соопштението на ВМРО-ДПМНЕ.
