Новинарот на Телма и член на СДСМ Ивор Мицковски реагира на изјавата на премиерот Заев кој прашува дали Груевски е киднапиран.
Тој бара Заев веднаш да го разреши министерот за внатрешни работи Спасовски и да го уапси Сашо Мијалков. Во спротивно се фрла сомнеж на независноста на владата.
“Пред да продолжите со киднапирање на правдата, правната држава и здравиот разум, како што секој нормален човек ви сугерира направете две клучни работи.
Министерот на МВР веднаш да си поднесе оставка.
Второ, Мијалков веднаш да биде ставен во притвор.
Секое избегнување на овие два чекори, фрлаат не само сомнеж врз работата и независноста на оваа Влада, туку и се непремостлива пречка за решавање на сите преостанати проблеми и предизвици”, пишува Мицковски.
