Делови од Грција се најдоа во центарот на бурата „Даниел“, а првите проблеми се забележани во Волос.
Некои села останаа без струја, невремето собори дрвја, а граѓаните беа повикани да не излегуваат надвор освен ако е апсолутно неопходно.
Хаотичната ситуација можеби најдобро ја опишува видеото на градоначалникот на Волос, кој излезе од градското собрание и ги праша возачите заглавени во поплавените улици „каде тргнале“.
„Каде одите? Тоа што се случува е лудо! Рековме 100 пати, ве молам не мрдајте. Каде одите? Од вчера ви кажуваме, ќе се излеат реките, знаете ли дека доаѓа водата. Одете дома“, ги предупредувал градоначалникот на Ахилеос Беос во видеото објавено на Фејсбук.
