Бугарските пратеници денес ќе решаваат за преименувањето на националниот празник 24 мај, во Ден на бугарското образование и култура и словенското писмо.
Идејата за промена на името на официјалниот празник потекнува од ВМРО-БНД на Красимир Каракачанов, потсети БГНЕС .
Од оваа партија инсистираат празникот да се нарекува Ден на бугарската литература, образование и култура, но по реакциите во јавноста на ова прашање Владата донесе одлука за консензус – да се слават Светите браќа Кирил и Методиј и бугарската азбука, но и словенска литература.
Според пратениците на ВМРО-БНД, сегашното име на празникот е неточно, бидејќи кирилицата е бугарска, а не словенска.
Партијата негира дека преименувањето на празникот било предизвикано од обидите на руската и македонската страна да го негираат придонесот на Бугарија во работата на браќата Кирил и Методиј.
Тие се на мислење дека треба да се вратат бугарските корени на празникот.
