Компаниите за топлинска енергија во Бугарија побараа зголемување на цената на парното и топлата вода меѓу 29 отсто во Софија и 330 отсто во Велико Трново. Тоа било објавено и на веб-страницата на регулаторот за енергетика.
Но, нивните пресметки се направени во март и не ги земаат предвид и надоместоците што ги доделува државата по прекинатите испораки на природен гас од Русија, што ги промени цените на горивата.
Петков: Американскиот гас е 4 пати поевтин од овој во Европа
Мнистерот за енергетика Александар Николов предупреди за можен двоцифрен скок на парното и топлата вода од 1 јули:
„Топлификацијата имаат различен модел на работа, односно ќе имаат различен ефект врз крајната цена, бидејќи се разликуваат ефикасноста на управувањето и начинот на кој самите технолошки решенија. Кога природниот гас се зголемува неколку пати, без разлика колку е тешко звучи, зголемувањето од неколку десетици проценти не е неочекувано.
Дали ќе се бараат решенија за обештетување на потрошувачите – сигурно. Ова секако ќе се коментира на ниво на Министерски совет и на ниво на вицепремиер.“
Регулаторот за енергетика е на пат да излезе со свои пресметки колку ќе се променат цените на струјата и топлинската енергија од јули. Според неофицијални информации, струјата во домаќинствата се очекува да поскапи за околу 3-4 отсто, а парното и топлата вода за земјава во просек ќе поскапат за околу 40 отсто. БГНЕС
