Бугарија има највисоко ниво на криминал, насилство или вандализам во цела Европска унија, покажа најновото истражување на Евростат, според кое 20,2 отсто од луѓето пријавуваат криминал, насилство или вандализам во регионите во кои живеат, пренесоа медиуми.
Најниското ниво на криминал и вандализам во ЕУ е регистрано во Хрватска – 2,7 отсто.
Во 2019 година, генерално, 11 отсто од населението на 27-те земји-членки на ЕУ пријавија дека се соочуваат со некаков проблем со криминал, насилство или вандализам во нивната локална заедница. Ова учество постојано, секоја година, се намалува од пикот во 2013 година, кога беа измерени 14,1 отсто.
Редоследот на земјите во кои се пријавуваат криминал, насилство или вандализам во нивните локални средини варира од една до друга земја-членка на ЕУ, па така, „лидер“ во оваа област е Бугарија со 20,2 отсто, по која следат (16,9 отсто) и Холандија (16,3 отсто).
Наспроти нив, освен „најмирната“ Хрватска, на дното од листата се наоѓаат Литванија со 3,2 отсто и Полска со 4,4 отсто.
