Британскиот екс политичар, дипломат, офицер и полициски службеник Хенри Болтон кој е експерт за меѓународна безбедност вели дека мафијаши со албанско потекло од Албанија, Косово и Македонија имаат контрола на четири важни криминални структури во Велика Британија и дека борбата со нив ќе предизвика многу проблеми.
,,Албанските криминалци (од Албанија, Косово и Република Македонија, каде што се борев со нивните криминални групи три години) ја презедоа контролата врз хероинот, кокаинот, шверцот со оружје во Обединетото Кралство и „пазарите“ на шверц на луѓе. Затворањето ќе биде хаотично”, пишува Болтон кој како претставник на Велика Британија бил присутен во регионов уште пред Косовската криза.
Тој вели дека пред 2006 година кога тогашниот премиер Тони Блер ја затворил програмата за борба со балканската мафија имало успех во борбата со овие криминалци но дека сега ќе биде тешко Лондон да се состави со нив.
Ова е прво јавно предупредување дека Албанци од Македонија се дел од мафијашки групи за кои се зборува во Британија.
Albanian criminals (from Albania, Kosovo and Rep. N. Macedonia, where I fought their crime groups for three years) have taken control of the UK heroin, cocaine, weapons trafficking and people smuggling ‘markets’. Closing them down will be messy.
— Henry Bolton OBE 🇬🇧 (@_HenryBolton) November 12, 2022
