Откако е споменат како носител на говор на омраза кон Бугарија, новинарот Борјан Јовановски се обраќа кон бугарската јавност и тврди дека тој самиот е жртва на говор на омраза во Македонија за своите позитивни ставови кон Бугарија и затоа бара “братска помош”.
Прозван дека користел говор на омраза во интервју со премиерот Заев, Јовановски тврди дека тоа било алузија на изјава на неидентификуван министер во владата на Груевски.
Јовановски не открива за која изјава се работи и од кој министер.
Во македонската јавност оваа фраза досега не била експлоатирана на начин на кој што тврди новинарот.
Целото објаснување од Јовановски на коментарот на Љупчо Нешков од БГНЕС кој зборува за ботови кои шират говор на омраза:
“Драги соседи, во емисијата што ја споделувам се вели дека користев непристојни зборови што ја навредуваат бугарската публика.
Ја разбирам нервозата предизвикана од критиките во меѓународната заедница на кои вашата влада е изложена уште од ветото на нашите интегративни процеси, но дозволете ми да го истакнам вашето незнаење за контекстот на мојот вокабулар во интервјуто со премиерот Зоран Заев.
Всушност, „средниот прст“ се користи во случајот како фраза што јас лично и многу други јавни личности ја критикувавме како несоодветна и штетна за соседите.
Ова е изјава на министер во владата на Никола Груевски, кој еднаш рече дека проектот СК 2014 покажува среден прст кон Грција поради ветото што го добивме од неа на самитот на НАТО во Букурешт во 2008 година. Неговото однесување беше критикувано од мене, многу други јавни личности, како и претставници на сегашната влада. Во случајот на овој пренос, моето прашање е дали Македонија повторно ќе спроведе ваква инфантилна и самоуништувачка политика, на што одговори премиерот Заев, фала му на Бога, негативно и покрај горчината што ја чувствуваме од вашето „братско“ вето.
Би сакал да ја искористам оваа можност да се обратам на господинот Нешков, кој ги знае моите „роднински“ односи, но не и на фактот дека јас, Зоран Заев и многу други во ова општество, кои се залагаме за добрососедство и ги критикуваме сите изливи на омраза кон вас или воопшто за другоста , се многу поголеми жртви на говор на омраза на социјалните мрежи и затоа со нетрпение ја очекуваме вашата братска помош за брзо започнување на преговори што ќе ни помогнат, меѓу другото, и во оваа реформа.
И кога станува збор за очекуваната помош од вас, како од јавни личности, обрнете внимание на несоодветните изјави на господинот Каракачанов, кој ни ја испраќа бугарската војска да ги преуредиме нашите градски плоштади или на господинот Ковачев, кој ја толкува нашата антифашистичка борба, која ја славиме на 11 октомври, како терористички напад – изјави кои оправдано предизвикуваат голема горчина и бунт.
Од моја страна, зборувам за дел од јавноста што сака развој на добри односи во европски дух, ние повеќепати осудувавме такви несоодветни испади овде, во нашата земја, од страна на поединци.
Како јавни личности од двете страни на границата, имаме задача да се спротивставиме на говор на омраза, секој во својот двор, и со тоа да се овозможи дијалог што им прилега на две општества кои сакаат да го носат атрибутот на цивилизација.
Конечно, жал ми е ако има грешки во овој превод во google translate, кои морав да ги користам, затоа што нашиот македонски јазик, кој е многу сличен на вашиот, сепак е различен и одделен.
