Бугарскиот премиер Бојко Борисов изрази жалење што Скопје не покажаа посветеност, сметајќи дека со притисок и лобирање може да ја натера Бугарија да ја смени својата позиција.
„Нашата позиција не е позиција на тврдоглавост или позиција да ги запреме нашите најблиски пријатели“, рече премиерот во врска со вчерашната блокада од Софија за одржување на првата меѓувладина конференција меѓу Македонија и ЕУ, пренесува БГНЕС.
Според него, бугарската позиција е принципиелна и ги одразува очекувањата на сите бугарски граѓани.
„Подготвени сме да ги продолжиме разговорите“, додаде Борисов, нагласувајќи го спроведувањето на Договорот за соседство.
Борисов категорично се спротивстави на употребата на антибугарската реторика.
Бугарија најмногу сака нашите соседи од Република Македонија, како и нашите пријатели од целиот Западен Балкан да влезат во ЕУ “, рече премиерот Бојко Борисов за време на денешниот состанок на владата.
Премиерот потсети дека токму Бугарија ја поддржа Република Северна Македонија за нејзино членство во НАТО.
