„Видовитиот“ „политички аналитичар“ Сулејман Мехази од Тетово во изјава за влијателниот весник „Бота сот“ од Приштина во врска со неодамнешниот напад во Косово вели дека „таков напад може да се случи и во * Македонија, во Куманово“. Неговото „пророштво“ весникот го објавува под наслов „По Бањска на северот на Косово српски терористи ќе ја нападнат и Р*М во Куманово“.
„Бота сот“ пишува: Мехази ова го поврзува со македонската партија ВМРО ДПМНЕ, за која вели дека ако не гласа за уставните амандмани за внесување на Бугарите во Уставот на * Македонија, тогаш тогаш тоа ќе значи дека партијата на Мицковски е против ЕУ, а е со Србија и Русија.
„Можеби опозициската ВМРО ДПМНЕ е во тајна коалиција со претседателот на Србија Александар Вучиќ, за да ја дестабилизира * Македонија преку српски терористи во Куманово: треба да се има предвид дека 80 проценти од Македонците се со јазикот, со срцето и со душата се со Србија. Откако ќе нападнат српски терористи и во Куманово нема да се борат Македонците со Србите, туку Албанците со Македонците: Албанците од * Македонија ќе бидат против српските терористи во Куманово, додека Македонците ќе бидат на страна на српските терористи.“ – кажал Сулејман Мехази во своето бизарно „политичко видение“.
