Државите кои се приклучуваат кон НАТО, како с. Македонија, мора да имаат безбеден начин на комуникација, изјави Генералниот секретар на НАТО, Јенс Столтенберг, во интервју за Српската редакција на Гласот на Америка.
„На пример, постојат стандарди кои мора да се исполнат кога е во прашање цивилната инфраструктура и телекомуникација, како што е 5G. Тоа се однесува и на новите идни членки, како Северна Македонија.
Овие стандарди не се однесуваат на земјите кои не се членки, но, ние можеме да ги замолиме или да ги советуваме тоа да го направат“, изјави Столтенберг, одговарајќи на прашањето за Кина и нејзиното влијание во регионот.
„Нашите воени операции и сили зависат од цивилната инфраструктура, од патишта, мостови, аеродроми и подводни телекомуникациски мрежи кои ги поврзуваат двете страни на Атлантикот. Неодамна ги обновивме основните барања за цивилна инфраструктура, кои опфаќаат 5G технологија“, рече тој.
