Бесија, ќерката на претседателот на Собранието, Талат Џафери од ДУИ и Димитар, синот на архитектот Мирослав Грчев од СДСМ, без да ги докажат и споредат своите квалитети со конкуренти обични смртници, добиле државни вработувања ЕЛЕМ.
Нивните работни места не беа огласени и примени се без конкурс, што дополнително ја зовре јавноста во ситуација кога се бара чесност, непристрасност и транспарентност по промената на власта пред десетина месеци, пишува весникот Независен.
Од ЕЛЕМ за весникот потврдуваат дека ги вработиле своите редови Димитар Грчев и Бесија Џафери но тврдат дека сѐ е чисто и законски.
„Примени се преку Агенцијата за вработувања, а во такви случаи тоа значи дека тие не се вработени во ЕЛЕМ, туку ни се отстапени од Агенцијата. Конкретно, нивниот договор е од 5 април и трае до 31 декември, односно до крајот на годината. Колегата е на место инженер за животна средина, а колешката е референт за правни работи. За овој тип вработувања не е потребно да се распише оглас бидејќи се привремени. Хипотетички, доколку по истекот нивните договори бидат продолжени на неопределено, тогаш ќе мора работните места да се огласат. Уште една работа: без оглед што договорите за вработување им се привремени, и за нив мораше да се добие согласност од Министерството за финансии“, изјавиле од ЕЛЕМ за Независен.
И додека Бесија и татко и молчат синот на Грчев потврди дека работи во ЕЛЕМ. Тој пред 4 месеци најави дека Македонците ќе се угушат во сопствениот измет.
