„Опозициското движење Беса денес преку соопштение за јавноста ги коментираше последните мерки на Владата за намалување на економската криза. Од Беса велат дека Владата само делумно ги прифатила нивните предлози и нагласуваат дека Владата не знае, ниту има идеја како да раководи со државата. Според Беса, ова го потврдува и фактот што само по неколку часа откако Владата ги усвои мерките, Регулаторната комисија ги зголеми цените на нафтените деривати.“ – објави информативната агенција на албански јазик ИНА.
ИНА го пренесува соопштението на Беса: „Врз основа на анализа на економските параметри предложивме серија мерки за намалување на економската криза. Владата само делумно ги уважи нашите предлози и едновремено се потврди дека таа ниту има знаење, ниту има идеја како да ја води државата. Потврда за ова е и фактот што не поминаа ниту неколку часа откако Владата ги усвои своите мерки, Регулаторната комисија повторно ги зголеми цените на нафтените деривати и во суштина ги обезвредни претходно преземените мерки за намалување на акцизите.“
„Одлуката за намалување на акцизите на нафтата испаѓа дека била само политичка и популистичка, оти е таа неуспешна одлука, дека не се знае кои мерки треба да бидат преземани во потребно време.“
„Не и е потребен на државата несериозен пристап кон проблемите на граѓаните, туку се потребни сериозност и политички сили, кои ќе и претходат на секоја политичка криза. Се потврдува дека ДУИ и СДСМ немаат потребен капацитет, за да се соочат со толку чувствителната ситуација. СДСМ и ДУИ со лошото управување со институциите можат да ја доведат земјата во целосен економски колапс.’ – се вели во денешното соопштение на Движењето Беса.“
