Претставници на администрацијата во Вашингтон одржаа консултации со шефот на инвестицискиот фонд Berkshire Hathaway Inc. Ворен Бафет, за ситуацијата со американските банки.
Во преговорите со милијардерот биле вклучени високи американски функционери, дознава Ројтерс.
Не е прецизирано за какви проблеми разговарале, а се очекува Министерството за финансии на САД и Белата куќа да дадат официјални коментари.
Бафет е еден од најпознатите американски инвеститори.
Според агенцијата Блумберг, тој веќе е петти најбогат човек во светот. Неговото богатство се проценува на 102 милијарди долари.
Претседателот Џо Бајден побара од Конгресот во петокот да ѝ даде на неговата администрација овластување строго да ги казнува банкарските директори поради чие управување пропаднаа некои финансиски институции.
Конкретно, тој повика Федералната корпорација за осигурување на депозити на Соединетите држави да добие право да ги заплени Silicon Valley Bank (SVB) и Signature Bank, премиите и приходите од продажбата на акциите добиени во пресрет на банкрот и да им се забрани да работат во банкарскиот сектор.
